انا والسكر في طقاق
--------------------------------------------------------------------------------
بعض معناة مريض السكر.اسجلها في هذه القصيده
اناوالسكرفـي طـقـاق =مني طراق ومنه طراق
ولهـن علـي ومشتـاق =وانامـابـي الافـرقـاه
اقول له تـوي صغيـر=وانتامقـامـك عسـيـر
ضيف لمعزبـك اميـر=عن اكلـه دايـم تنهـاه
خل التمـره والبسكـوت=والرز ان جيته تمـوت
والحلا بقريـب فـروت=واترك كل اللي تشهـاه
وان جيت بدارالاجـواد=معـزوم ونفسـك تنقـاد
لاصناف رصت وشعـاد=ناظرهم واشـرب ميـاه
والذبـايـح لاتلمسـهـا=ايدينك بالـك تدعسهـا
في المفاطيـح تغمسهـا=كانـك تحـب الحـيـاة
وان رحت بكشته بريـه=ولقيـت لحـوم مشويـه
والا كبـيـدات مقلـيـه=حظك منهاريـح سـواه
واحذر ترى العسكريـم=للـبـزوره يافـهـيـم
وان ذقته فـنتـا سقيـم=احجز مرقد في المشفـاه
والببسـي والسفـن أب=والعصايـر لاتـشـرب
خلك من فصيلة ضـب=لوك تايه في المضمـاه
وان كانك تحب الكيـك=فالمخـابـز تحتـريـك
اظـن الشوفـه تكفيـك=وخل قروشك في المخباه
والفوكـه مالـك فيهـا=حتـى لـوك تشتهيهـا
ناظرهـا ثـم اشتريهـا=واكل وليدك لك مجنـاه
والفصفـص وياالهبـود=والفستق معهـن معـدود
واصناف التسالـي زود=كل قشره واتـرك لبـاه
والصيفيه موسـم جـح=ورطيباتـن كلـه ملـح
يدعن ريقك ينضح نضح=وياويلـك لـو تهقـواه
والسفرفيهـا لـه خنّـه=للتمشـي مـا بـه منـه
بس اقفل فمّـك بالسنّـه=واربط في بطنك حصاه
وان كان النفس الدنوعه=غرتك بأكلـه ممنوعـه
لولقمه وحـده مقطوعـه=خـل الشـوارع ملهـاه
وياك ان تزعل وتعصب=وان طقك احد لاتغضب
واضحك حتى لوك تنسب=والاارتفـع طـق زبـاه
ويمكن نسمح لك بشـوي=الهوا مع بعـض المـي
وقريص نخال مصلـي=بـلا تفـريـط تــراه
ثم اقول لـك بإختصـار=وش يصيروش ماصـار
لـك بيـانـات كـثـار=اقرها واضبـط معنـاه
هـذا الدفترللممـنـوع=والثاني مابـه مشـروع
الين العاشـر مقطـوع=وبيننّاالمسمـوح اقصـاه
لاتخيـل لـك مـسـره=اقطع الهاجـس بالمـره
اكلك مثل اكل المجتـره=مابـه طعـوم تهـنـاه
السفيـروبـه نخـالـه=والاّتبينـاتـن بحيـالـه
وقالوان القـت اشفالـه=والاالـشـفـلــح دواه
قلت احمـدالله يالسكـر=لاتغتـر بنفسـك تكبـر
تـراك مـن الله مدبـر=واللي حطه هـو يجـلاه
لاتحسب انـك مخيـف=لوانـك بثـر وسخيـف
مثلـك حلـه بالتخفيـف=والله يخـفـف بـلـواه
والله سبحانه له حكمـه=البلوى للمؤمـن نعمـه
ماكل المصائـب نقمـه=من صبر صبـره يلقـاه
ثم اطلب الله يجزل لـي=من عطاياه ويغفـر لـي
في جناته مسكـن لـي=واهلـي والله وحـدنـاه
سعد