[الطائر المهاجر]

ابرحل لا تقولي ليه بدال بـلادك الـف بـلاد=وبصحى بعد غيبوبة وابنسى الحـب ومجونـه
انا مهاجر إلى النسيان ادور لحظة الميلاد= طفل يبكي طفل يضحك وباقي الدمع بعيونه
يبي حب ويبي عطف ويبي امه كمـا المعتـاد=ولا يدري وش الساعة ولا هالوقـت او كونـه
.
خذيني يا عروس البحر مالي فيه او غـدره=ورسّيني على مينا اشوف السعد مـن بعـده
وخذيني ياطيور الشوق اهاجر عنه بالمـره=فصـد بصـد والبـادي يتحمـل للفعـل ردّه
ابنسى طيفه الزائر ولا اسأل عن سبب هجره=ودور كوكبٍ ثاني وخلي الارض لـه وحـده
.
الا يا طير يمهاجر رفض ذل الزمان وطـار=الا بالله تاخذنـي حيـاة الـذل مـا آبيهـا
ابي حريتي مثلك أطير ولا خشيـت أخطـار=وامتع ناظري بالأرض واللي ساكـنٍ فيهـا