اقتباس:
|
المشاركة الأصلية كتبت بواسطة عبدالله المرشدي
ياناقل الهرجه على غير تحقيق=هرجك دبل كبدي ولا عاد ينطاق
ياللي تحمّل سمعتي فوق ماطيق=مصدر تبث الكذب في كل الافاق
قاصر ضعيف الراي في حزة الضيق=هرجك يضيع اليا عليك الزمن ضاق
احفظ لسانك ياردي التوافيق=لاتتركه في عرض الاجواد لحاق
تراي بنت اللي يصون المواثيق=اللي مربيني على طيب الاخلاق
لي في سمو الطهر جوله وتحليق=أكرم عن اللي في قفا الناس لفاق
مافيه مثلي بنت بين المخاليق=أنا التي فيها من الحسن مالاق
كلي أدب وأخلاق مافي تبريق=عفه وحشمه بارقي دوم برّاق
حويت علم ودين وانظم طواريق=لامن بدع القاف في مهجتي راق
دره بحر ماناشني كل عشيق=ماني ملاذ ٍ يزبنه كل عشاق
تراي (شوق) اللي لها قدرٍ يليق=بنت ٍ كما الدّر المخفى بالاعماق
ربعي عتيبه متعبين الملاحيق=دايم على فعل المواجيب سبّاق
ترا خوالي من عنوز ٍ شواهيق=من نسل أبو تركي رفيعين الاعناق
وين أنت غادي وين ياناشف الريق=اعقل ترا دمك ليا أخطيت ينراق
صح لسانك
وعلى شانك
وسلم بنانك
والنعم في عمامك وخوالتك
والنعم في قبيلتك
وبارك الله فيك
قصيدة رائعه
سجلي اعجابي
تقديري واحترامي |
اخوي / جزل القصيد / عبدالله المرشدي
صح بدنك يالغالي
ونعمت حالك وزانت أحوالك
مرورك ليس بالهيّن
ومازلت أنتظر تواجدك !
تقديري لك
شوق