من روابي قبلة الاسلام دار أهل الحمية=مهبط الوحي ومقر البيت عنوان السلامي
قلت قلت أمد كف الشوق لمصافح ضرية =وارسل أشواقي مع الموجات للربع الحشامي
لي بها بيت كبير وصدر رحب ومقدريه =واهلها يستاهلون اصدق شعوري واحترامي
ذاخرلي بين اهلها سيف هندٍ في يديه=ان نقلته في يديه وان وضعته في حزامي
اتفاخربه مع الاجناب والربع الدنيه =وانتصربه مع هل الغارات في وقت الزحامي
والله اني ما بغيت ادخل قضية في قضية =مير قلت ابدا بصب الما على روس الظوامي
واشرب الفنجال الاول بعد فوح الشاذليه =والطريق اللي يوصلني بيوت العز امامي
بلغوا لي ناصر القزلان مردود التحيه=من ضميرٍ مايحب الا رفيعين المقامي
بلغوهم دعوتي ترى زيارتكم هديه=والله ان تبقى على صدري زيارتكم وسامي
يابناخينا فهد بشر بمقدمكم عليه=مرحبا مليون مره فالبدايه و الختامي
الصريح العتيبي