[ابومياس]

فيه يوم من الايام وكان الجو بارد وانا كنت بالمطار مسافر الى دوله اسيوية على شان تنبسط اصالة المهم كنا بمطار الرياض واقلعت بنا الطائرة ووزعوا علينا البطانيات وكنا الفجر ( من زود الصدق) المهم غفيت لي حول الساعتين ومادريت الا صوت الفرامل وانط من الكرسي والا المضيفة حولي وشافتني خفت وهي تقول بسم الله عليك قلت له وش العلم قالت العلم يقوله لكم الكبتن وشوي يوم وقف الكابتن الطيارة بالسماء وهو يطفيها0 قال لنا اسمعوا ياجماعة انا ادري انكم تعبتوا من الجلسة لكن اللي يبي يطلق عصب رجليه يحول وهم يفتحون لنا الباب وننزل على ذيك الغيمة اللي مافيه احسن منها وهم ينزلون العزبه ويشبون النار وطلع الكبتن راعي بر شوي يوم فتحوا باب العفش وهو ينزل ذاك الخروف اللي المضيفين بالقوة يشيلونه من كبره0 قال هاتوا السكين وهو يذبحه ويعلق الخروف بجناح الطائرة قال الان يالربع اللي يبي يشوي الله يحييه والله وانا اجيهم واشك لي ذاك الصيخ اللي يالله يتنفس من كثر ماشكيت فيه وارميه على النار بس يوم كليته جاني النوم ورحت لذيك الطلحة اللي بجنبنا وصرت تحت ضلها ونمت لي ساعة ومادريت الا الطيار يدق لنا بوري قمت وركبنا الطيارة وشغل بس المشكلة ما اشتغلت الطيارة قال لنا يالربع يوم نزلنا وطفيت الطيارة نسيت النور شغال وفضت البطارية بس يديكم يالنشاما دفوا الطيارة وانا ابغى انتعها قلنا له ابشر بسعدك وحنا ندف الطيارة شوي يوم نتعها واشتغلت وركبنا ودعس بنا الى شنغهاي 0 انا ادري ان الكثير منكم ماهو مصدق بس هذا اللي جرى علينا 0