قالوا الارهاب يضرب قلت شوفوا وش اساسه= وشوفوا اللي له يغذي من شمال ومن يمين
وارجعوا للمستشرقين يوم جونا للدراسه = وجمعوا شيٍ خطير يخدم المستعمرين
عن شعوب وعن بلاد ساست الكون بكياسه= كلمة التوحيد تجمعهم على درب اليقين
اسسوا مجد عظيم بالعدل لا بالجفاسه = دولة عظمى تحكم الناس من غرب لصين
وبعد ما انهارت يخافوا رجعة تحيي القداسه= حطوا اسرائيل تفصل بين شعب القارتين
ووجهوا بعض المشايخ والملالي في نجاسه= يدخلوا للناس من بيبان قرآن ودين
مظهرين للقشور من سجلات الدلاسه= وامرين بالجهاد ضد جمع الكافرين
ومن يخالفهم فكافر واجب يقطع لراسه= حتى لو شيخ وقور من جموع الصالحين
يركبون الدين حتى يخدموا اهل السياسه = راكضين لجمع دنيا بعد كانوا فاشلين
شعللوها في المنابر وحتى في كتب الدراسه= وفي قناوات هدفها تفرقة للمسلمين
في حسينيه ومسجد تسمع انواع الدساسه = تقنع الجاهل بتكفير الملا من الاخرين
شيعي يقتل لسني يلقى في ذلك وناسه = وسني يقتل لشيعي دام يصرخ ياحسين
وابتدا التفجير يظهر بكل عهر في لباسه= من بعد جانا الخميني ابتدا العهد الحزين
لبس ثوب للتشيع خادع اهل التياسه = والهدف احياء فارس بعدما طاحت سنين
ولو نراجع من رعاه بكل تدقيق وفراسه=يوم في باريس عايش يجهزوه المستعمرين
يجهزوه لهدم دينٍ العرب اهله وناسه= تحت زعم انه زعيم لثورة المستضعفين
صدر الارهاب للعربان في خبث وخساسه= والهدف واضح ولا يحتاج تفكير رزين
اتفاق لليهودي والمجوسي بالنجاسه = والعدو واحد هم العربان من اعلوا لدين
يفككوهم في طوائف دام كل بانغماسه= ويقسّموا بلدانهم بيناتهم متساويين
سموا الشغله ربيع للعرب اهل الهياسه= وكل واحد صار يركض للحكم من الدايخين
لين شفنا داعش والحشد وانصار التعاسه= ومعهم الاخوان والحوثي وجمع التايهين
الجهل لا ساد في شعب يؤدي لانتكاسه = وبعد مجده للحضيض مطمع للطامعين