صباحكم / مسائكم خير ومبروك عليكم الشهر الكريم أعضاء وزوار منـتديات الفطاحله - قصيدة من دفتر الذكريات اتمنى ان ترتقي لذائقتكم،،
استقالة مشاعر!
جاني بعد غيبة على القلب طالت
جاني يذكرني بحباً لنا فات
جاني بعد ما دنــيتـه فيه مـــالت
وجار الزمان وذاق مر المعانات
جاني وروحي من شقاء الويل نالت
ما يدري ان الحب في داخلي مات
حتى المشاعر غـادرت واستـقالت
واللي بقـلبي كان شلته من الــذات
الحب وأنواع الاحـاسيس زالت
ما عاد له بالقلب روحة وجيات
يا ما تـــرجيته ونفسه تـعـالت
ويا ما على شانه تحملت صدمات
ويا ما بكيت ودمعة العين سالت
وياما وياما عشت ليلي متاهات
حتى المآسي في حيـاتي تتــالت
وصارت تداعب هاجسي كل الاوقات
من يوم غاب ورجعته استـحـالت
وإنا اتعذب دون ذنب وخطيات
يكفي ترى نفسي من الهم شالت
يكفي عذاب وكافي اللي لنا فات
اجـدادنا قــالوا والأمثال قـــالت
وصارت تداول من سنيناً قديمات
الورده اللي من الظمأ استمالت
تذبل وتفقد عطرها مثل الاموات
ارجع مثل ما كنت غيبتك طالت
ياما انتظرتك لين الاحساس بي مات !
بقلمي:
بشير البلوي