[جهاد الشعلان]

السلام عليكم ورحمة الله وبركاته

اقدم لكم هذه المتواضعة من الارشيف اتمنى ان تنال على اعجابكم

يابومحمد طلبتك ولّع سراجي=قمت آتخبط بعقم الحب وسياجه
جيتك يابن زاحم وكنّي على صاجي=سبة عشيرٍ جحد نهجي ومنهاجه
ابو ثناياً ثمنها الدر والعاجي=اللي ليا من تبسم يجهر ابلاجه
ابونهيدٍ مع النسناس رجّاجي=جمب الجديله كما بدرٍ بوهاجه
غظٍ غظيظٍ ، بياضه يضوي الداجي=لاعسس الليل حطّه خانة سراجه
اي والله انه على راسي كما التاجي=لو ان ريح النمايم طيحت تاجه
من صغر سني وحبه بالحشى لاجي=حتى عزلني عن الخفرات بدراجه
هو سلوتي بالحياة وفلة حجاجي=واحلى برامج حياتي كلها انتاجه
فان كان عندك ضمادٍ يكفل علاجي=هات الضمايد لجرحٍ يصعب علاجه
ملّيت دمعٍ على فرقاه ثجاجي=سالت على اثره شعاب الضيق وفجاجه
هذا ورجواي باللي زابنه ناجي=اللي لحكمه رقاب الخلق منعاجه
يرد مظنون عينٍ بعده ازعاجي=وعلى النقا والشريعه نقظي الحاجه

جهاد عبدالعزيز عبدالله الشعلان