[منيع]

من الابيات التي تم حذفها مؤخرا من الديوان والهمس

لاتجاهلت سود الليالي مشاعرك=وغنت على اشلاء حزنك مواويل
فاعلم ترى كل البلاوي تسامرك=وشدد ضلوعك للهموم المقابيل
دنيا كفى الله شرها ماتخبرك=تصفعك بالويلات جيل بعد جيل
هذي فعايلهاودايم تمرمرك=رضيت ولا صحت مامن محاصيل
الله على جور البلاوي يقدرك=وان من فزع ربك بلتك التهاويل
اليوم كل يدعي انه ينورك=ضعناوضاعت همة مابها حيل
غزوفكري لاتظنة يحررك=مادام مرهون على ضخ برميل

الى زعلنا يزعل الكون كله

الى زعلنا يزعل الكون كله=والى رضينا كل امورك سهالات
خوينا فوق الثريا محله=مانرخص الصاحب ولابها احتمالات
فل الحجاج ياصاحبي دوم فله=مافي مجالي يارفيقي سفاهات
خذ الأمور الثابته باالادله=ماني على الصاحب ادور ملامات
نحفظ وقاره لوبدر منه زله=تشفع له أيام وفعول قديمات
نحلم ونتجاهل ولاهناك عله=بيض السرايروالنوايا سليمات
خذلان مافينا ولابنا مذله=ولاحركتنا طائفية وحزازات

اكرر شكري لليلي والأيام

اكرر شكري لليالي والايام=يوم اجمعتني باالرجال المطاليق
ربعٍ لهم ود وعزيزين وحشام=تفرح بهم في حزة الهم والضيق
لاجاروقتك وغدى بجوها عسام=وتأزم الموقف وصارت تواهيق
تلقى بهم نخوة وطيبه ولاتضام=يرسون لك مثل الجبال الشواهيق
ذولا بهم افخرعلى طول الأعوام=اللي لهم في داخل القلب توثيق
تقرير مايوفي ولاروس الأقلام=تحصي جمايلهم ولاقول تلفيق
ناسٍ نصافيهم وناسٍ للاعدام=نتعب على الطيب ولاحنامطافيق

ملائكة مرات ومره شياطين

نصفـح ونتصالـح ولاحـنـا زعولـيـن
ورفيـقـنـا مايـشـكـي الـضـيـم مـنــا
عاداتنـا مـن بـادي الـوقـت للحـيـن
خـويــنــا غـــالـــي ولـــوصـــد عـــنـــا
مانرخص الطيب ولانقرب الشين
مــن صــارت الدنـيـا وهــذا عملـنـا
ادابــنـــا نــاخـــذ عـلـيـهــا نـيـاشــيــن
بـكــل اعـتـزازودايــم هــــي فـخـرنــا
على البسيطة من خلقنـا عناويـن
بـفـعـال طــيــب ماعـلـيـهـا نـدمـنــا
لاختلفـت الاريــا ومـالـت مـوازيـن
يــعـــرف مـواقـفـنــا مــنـــه جـهـلـنــا
مـلائـكـة مـــرات ومـــره شيـاطـيـن
فـي كـل مـوقـف عارفـيـن شيمـنـا



تحياتي