اما انا موقفي غير في رمضان اللي فات كان الفطور في بيت اختي وبعد ما أفطرنا وعينا من الله خير , وصلينا العشاء ( طبعا كان فيه اهل زوجها) دق زوج اختي وقال والله الوالد يبغى يسلم على امك خلي اخواتك يطلعون او يتغطون (وابوه رجال كبير في السن يعني لازم احد يمسكه ) عشان كذا هو ناداها انا واخواتي تعيجزنا نتغطى , وقلنا للوالده بما انك لابسه العبايه وقاضيه روحي انت وسلمي فجأه وبدون احم او دستور الا اختي مدخلته (على بالها متغطين) وعينك ما تشوف الا هالي مناقزين على الاقل هم كانوا جنب بعض وتغطوا بشرشف الصلاة اما انا فكنت على كنبه بدايتها باب المقلط (اللي داخل معه) ونهايتها باب يودي على قسم الرجال وكان مسكر واتوزا من عند الباب المسكر ويوم انه انفتح وانحشت للمقلط (طبعا له بابين) ابسكر الباب اللي عنده الشايب وكلما اسكره يدفه بعصاته >>>توهقت في هذه الاثناء ادق على اختي ابقولها اذا جت تطلعه تدق ,وما أدري الا ورجل اختي داخل من الحوش والا انا في وجهه >>>>>>>> جيت انحاش من الابو جاني الولد واللحين اقول مار الابو ماكان يشوف زين ليته هو اللي شايفني