مع الخلاوي
استغل شبابك قبل مشيبك
من لا يحصل بول العمر طولـه=فهو عاجزٍ عنها الى صار شايب
ومن خاب في أول صباه من الثنا=فهو لازمٍ في تالي العمر خايـب
متى شاب راس الشاب وابيض لـونه=فد فات من عمـر المعنّـى أطايبـه
إلى فات له يا صاح سبعيـن حجّـه=فما البيض في لاماه بالعون راغبـه
في الفرق بين الشعراء
شعرٍ يموت وصاحبه حـي مـا فنـي=وشعرٍ يعيش بحد ما عـاش صاحبـه
عن العفو ومتى يكون
ولا تعفو عن من لا يرى العفو منّـه=فالضد عفـوٍ عنـه يقـوي رغايبـه
عدو جدك ما يعود لك صديق
وحريب جَدِّك لـو صفـا مـا يـودّك=وعيناه لو تبكـي لـك الـدّم كاذبـه
الحذر من صديق السوء اكثر من العدو
فاحْذَرْ حريبك في المـلا فَـرْد مـرّه=واحذر صديق السّو ألـفٍ تحـاط بـه
من هانت نفسه عليه هانت نفسه على الناس
ومن هان نفسه للمـلا هـان قـدره=حتى تشـوف الـذّر يسعـى بغاربـه
الدفاع عن الحق
ومن لا يعدّي عـن مراعـي جـدوده=بالسيف عِدّي عن مراعـي ركايبـه
ومن لا يعدّي عـن حياضـه تشـرَّع=ومن لا يكرِّم لحيتـه حِلْـق شاربـه
ويقابله من الفصيح قول زهير بن ابي السلمي
ومن لم يذد عن حوضه بسنانه= يهدم ومن لايظلم الناس يظلم
لاتكن قيدوم لمن لايستحق
وحذراك تبقى راس من هـان قـدره=فكم فارسٍ أفناه مـن لا يقـاس بـه
هرج بالماضي نقص بالعقل
وترى ابرك ساعات الفتى ما بها الفتى=وما فات مات وساعة الغيب غايبـه
ويقابله قول علي كرم الله وجهه
ان الفتى من يقول ها انا ذا=ليس الفتى من يقول كان ابي
اغتنام الفرص
فاغنم متى لاحت من الوقت فرصـه=وان هبّ نسناسٍ فاذر فـي سوايبـه
وحيـاةٍ بـلا عـزٍّ محـا الله حظّهـا=حياة الفتى مـا فاتهـا العـزّ خايبـه
حياةٍ عداهـا العـز والمجـد والثنـا=حياة العنـا ليسـت لْحـرٍ مناسبـه
ويقابله قول المتنبي
عش عزيزاً او مت وانت كريم= بين طعن القنا وخفق البنود
واطلب العز في لظى =ودع الذل ولو في جنان الخلود
فلا بالتمنّـي تبلـغ النفـس حظّهـا=ولا بالتّأنّـي فـاز بالصّيـد طالـبـه
ويقابله قول المتنبي
ماكل ما يتمنى المرء يدركه = تجري الرياح بما لاتشتهي السفن
وطنك الذي ترزق فيه وليس الذي تولد فيه
والدار مـا يِحْصَـرْ عليهـا وليدهـا=دار الفتى ما طـاب فيهـا مكاسبـه
قل لن يصيبنا إلا ما كتب الله لنا
وامر الفتى في عالم الذّر قِـدْ مضـى=وما صاب ما اخطا وما اخطاه غايبـه
ما من يد إلا ويد الله فوقها
ولا يَــدٍ إلاّ يـــد الله فـوقـهـا=ولا غـالـبٍ إلاّ لــه الله غالـبـه
الموت ولا العار
فالى الحر صار العار والـذّل حَظّـه=فالمـوت ستـر لـه يغطّـي معايـه
تقديم المشورة لمن لايستجقها
وترى شور من لا يستشيرونه المـلا=شمعة نهارٍ في ضيا الشمـس ذايبـه
وترى النصايح في البرايـا فضايـح=كم ناصحٍ اضحى له النـاس عايبـه
الخال جذاب
اشتر تبيع ونافِسْ الناس فـي الشـرا=وحذراً تغـرّ وخايـب الخـال جانبـه
لاتسوي خير يجيك شر
والسالم اللـى كَـفّ خيـره وشَـرّه=و من لا يسوّي خير ما جـاه نايبـه
الدنيا غداره
فدنيـاك لـو لـك بايعـت لاتـغـرّك=غَدّارةٍ تفـري حشـا مـن تصاحبـه
قولوا لبيت الفقر لا يامـن الغنـى=وبيت الغنا لايامـن الفقـر عايـد
ولا يامن المضهـود قـوم تعـزه=ولا يامن الجمع العزيـز الضهايـد
لاحياة مع اليأس
وادٍ جرى لا بد يجري مـن الحيـا=إن ما جرى عامٍ جرى عام عايـد
ياشاري الدون بدون تحسبك غابن وانت مغبون
اختر سنام الكُـوم واحْـذَرْ بطونهـا=ومن يشتري مشرى تداناه خـان بـه
ابعد عن المصلحجي
خليل الجفان ومظهِرْ الود فان خلـت=تخلّى فكلب الكلـب مـن لا يحاربـه
القصيدة في الرد 6 من هذا الرابط مليانه بالحكم
http://www.fatahilah.com/showthread.php?t=15560