[منيع]

مرثية في ابن العم عبدالله بن علي الحاج احمد الذي وفاه الاجل في ثاني ايام عيدالاضحى المبارك لهذاالعام1434

توالت على قلبي مواجع وحسرات=والعيد ضحى بالنسيب المثالي
عبدالله عقبك داخل القلب طعنات=زادت مواجعها ولاني بسالي
ماني مصدق ياابن عمي وهيهات=ان الثرى يطمس جميل الخصالي
حباك ربي بالوفا والمروات=ومواصل الارحام في كل حالي
سن ضحوك وبالسخالك مدات=ان اشهد الموت اختار غالي
حتى المنايا مالها بالهزيلات=ماتاخذ الا طيبين الرجالي
تتعمد الغالين في كل الاوقات=الله عليها تعرف اللي صفالي
حزني طويل ولابعد شفت فرحات=بعدك يابومحمد تعكر مجالي