[الطائر المهاجر]

بالصوت

تكثر هموم الرجل لا كبروا عياله = قلبه عليهم وبعض بعالمٍ ثاني
وبعضٍ على خر اذنه دالهٍ باله = ما ينشدوا عنه إلا بعض الاحياني
اذا انزنق واحدٍ في بعض إشكاله = واحتاج له جاه يركض كنه حصاني
ولاّ تمشكل سبايب شر اعماله = مع شلة الدون من ربعٍ وخلاني
ماهو صحيح الولد يطلع على خاله= صار الولد ناتج لوقته والاقراني
وقت المصالح قليلٍ صالح حاله = فلا يخدعك حصني في ثوب انساني
كانه يبي منك حاجه شفت اجلاله = واذا قضى مايبي شوفك ولا يداني
حتى ولو هو قريبٍ تدري احواله= فالوقت غير نفوس الخلق للداني
تشوف شكل الرجل يعجبك باقواله= ولا من بخصته لقيت العقل صبياني
يركض على شهوته ما همه رياله = يشرى بلاحساب لو هو غال الاثماني
ولو هو تسلف وقسط سعر جواله = ولو هو تدين فلا سدد لدياني
وجهه مغسول بمرق من ناقص افعاله= نصاب خادع وحلو المكر بلساني
ناتج زمان المصالح كثرت اشكاله= بالفشخره والتسكع دون حسباني
هذا زمانٍ اشوفه خرب اجياله = انتج لنا جيل من بومٍ وغرباني