اقتباس:
المشاركة الأصلية كتبت بواسطة منيع
كيبوردية جديدة
بعض المزوح تجيب شقة وملايين=ولابعضها للنكد والندامة
ياحظ من له بتويتر عناوين=ودايم يغردلين حصل مرامة
المشكلة لاصرت بالحيل مسكين=غرد على كيفك ليوم القيامة
لاجاد حظك اسندوك السلاطين=وان بار ماحصلت درب السلامة
تعيش عمرك بين هم ومدايين=تطرد ورى حافز ولامن كرامة
عجيب يادهرالشقا والتلاوين=حالف على المحتاج تكرب حزامة
عش مابدالك والليالي موازين=وبعيرك المجنون امسك زمامة
وكل عام وانتم بخير |
الله الله
صح السانك يامنيع ،،،
قصيدة جميلة من شاعر رائع ،،،
لاهنت بيض الله وجهك ،،،
تحياتي لك وتقديري ،،،