غن ياهاجس وشيل الهم عني=لين ننسى الشام والمقدس وطابه
لين ننسى القتل في شيعي وسني=والامم والشرق الاوسط واضطرابه
لين ننسى مصر والسودان جني= لين ننسى كل ريّس وانتخابه
ياهجوسي وش تبي ذا الوقت مني=كمّ دوله قايمه صارت خرابه
والامم متكالبه من كل كني = والبعيد الفوت قد حان اقترابه
الحليم يحار والعاقل يجني =وكل غافل قام يرقص لاغرابه
لاتقولو ذاك جا من سوء ظني=او كلام اللي تحل ابه الكأبه
الرحاه تدور والداير يحني =صاح صوت ابليس واعمانا بكابه
ياوطن مافيك منا من يدني=مانهاب الموت كنا اسد غابه
تحت حكم الشرع ماهو حكم فني=من حكم بالدين له هيبه جنابه
الملك والشعب في نعمه ومني=غير من فالشعب يعطون الغلابه
لو هل الاموال سوو فعل سني= للتكافل واتركو درب النهابه
كان ماشفت اللذي شفته حزني=شي بحزاني وكلن خلف بابه
ياهاجوسي غن شيل الهم عني=لين فوق ديارنا تمطر سحابه