[نجم الإبداع]

ياسلام الله وانا في مكاني=عد سيلن ترتوي الوديان منّه
للذي يفهم من الفكر المعاني=في زمانٍ يخلف المخلوق ضنه
في زمان الفتنه ياكثر المحاني=كل يوم يمر بعلومٍ مصنه
ريّسو مرسي وباعوه بثواني =والخبر عند الجزيره وابن قنه
سال طيبه مثل عود الخيزراني=واعصروه وطيب مثله من يحنه
يحسب ان الحكم للعالم لباني=لين فالميدان ضده قام جنه
اقعدو له عقب ماراح ال ثاني =والسذاجه مالها فالناس منه
مصر فيها جيش مايرضى الهواني=والعقول اللي بها فوق الاسنه
يوم قام الرقص ماخاف الحساني=يوم جاها عمرو كانت مصر جنه
مصر فيها كل شي راقي وداني=ماتنخ الا لذي شنه ورنه
مثل طنطاوي وعزله كان جاني=من تصاريف العقول المستجنه
كل طيب من حواليه السكاني=يوردونه للهلاك بكل شنه
يالبيب العقل والداين مداني =في زمان اهل الهوى شالو الاعنه
والاسد فالشام يهدم فالمباني=لين خلى الشام لاهل القتل كنه
حار مني العقل والواقع عناني=كل متألم يون احزن لونه
يارفيق الدرب في هذا الزماني=التقاطع صار بين الخلق سنه
اطلب الله نبلغ صيام ارمضاني=وانه يغفر لي الذنوب ومنه منه