[نجم الإبداع]

ياهواجيس انثري وردك وفلا=وارسمي لوحه بها ورده وفله
وارسمي بدر الدجى لامن تجلا=وارسليها للاوادم فالمجله
وارسمي قلبي بحبات البزيلا=وانثري اشلاء روحي للاخله
لو لسان الشعر بالشعار زلا=كم على الشعار زله فوق زله
حس متحسس وفيه احساس سلا=والحساسه حايسه حوس المسله
انت باللي بالونا قمت اتملا=ويش بيشيل الونا من ماي جله
لو تغوص البحر تلقى اللول ولا=مابقى الا اهل العقول اللي مظله
كل ما قلنا الهنا والسعد هلا=عودت بقعاء وبعلومن مفله
كيف يسبق مرسدس راع الكوريلا=والهوى لو هب يصفق به بتله
من كثير الهرج مليت المحلا=والحساسه كرهتني كل شله
يالله ياللي فوق عرشك تاتعلا=اصلح النيات واغفر كل زله
ياجليل الملك من عاداك ذلا=كل متكبر وعدت انك تذله
ودي انصح كل مستغني بفلا=لايغرك ضحكة سنون الغوله
يارجيح العقل فالوقت المعلا=لاتجي في كل مجلاس وتمله
خير ماللعبد لازكى وصلى=حج وتصدق وصل الفرض صله