[داعي الشوق]

[center]

يالشات ما نلقى لنا عندكم حل = ليتك تجاوبني و تفهم كلامي
ريح ضميرٍ من غرابيله اختل = اخلف موازينه عتيم الظلامي
هجسٍ يشاغلنا على قلوبنا حل = صرنا معازيبه برسم المقامي
يسري ولا يسري ولا خاطره مل = مثل البعير اللي بليا خطامي
من كثر شوفه صار للكبد يدبل = عفنا مجالسنا و عفنا السلامي
يا ذا الشريط اللي على الكيمره فل = التف بكرتها و عاب النظامي
ماعاد تنفع في صورها بمعمل = ضاعت مواريها و صارت عدامي
لو لي عليه دروب لا اعطي له اشكل = واعلمه ماجوب دار الكرامي
يالشات خذ مني مكاتيب و انقل = علمتك بمضمونها بالتمامي
ابيات نصرفها من حساب ينهل = في سوق فيه البيع غالي و حامي
كلن على همه سرا ذكرها زل = و مسرا ليالينا بعيد المرامي *