ماابيك ياغايتي بالحـــب تشكرني =ابيك ترعى مشاعــــر لك وهبناها
واذا غرقـــت بغـــرامك لاتدورني= ابحث عن الروح في روحـــك وتلقاها
وابيك تجمـــع شـتاتي ثم تنثرني =على رحــــابة غلاك وطـــيب سكناها
وأبيك لو طالــت الأيام تذكــرني =حــلاة الايام يوم نعـــيش ذكــراها
ضمد جــروحي و بالأشــواق بشرني= على يدينــك شفـا روحـــي وسلواها
لاتترك الجــرح لين النزف يغمرني =ترى الجـروح ان تمادت يصعب ادواها
الله على حـــبك الســـامي يذوبني = و اعبر بحـــورك ولاادري وين مرسـاها