1-من هي ثار التميمية ؟؟ ولما هذا المسمى تحديدا وماذا تعني ؟؟؟
ثار التميميه مجرد انسانه واضحه وصريحه وتكره الغلط وعذروبها انها ماتعرف تسامح واذا حبت حبها كلفا واذا كرهت بغضها تلفا
اما بالنسبه للمسمى لعدة اسباب
الاول : هذا الاسم عزيز علي جدا لانه كان اسم الوالده الله يطول في عمرها قبل عشرين سنه لمن كانت شاعره تنشر
ثانيا: لاني ماتنازل عن ثار لي ابد من ايام الطفوله يعني اخذ حقي لو عدوي اقوى مني والتميميه نسبه لقبيلة تميم لاني منها
2- ما سبب كتابتك للشعر ؟؟ اهو هواية أم مهنة أم هروب من الضغوط المحيطة بالإنسان؟؟؟
الشعر عندي صاير بالوراثه
جدي لامي شاعر وامي وخالاتي شاعرات يعني طلعت من بينهم بموهبة الشعر
وهو بالنسبه لي هوايه تسيطر على اغلب وقتي وهو الشي الوحيد اللي ينفس عن الضغوط اللي اتعرض لها
3- اتكتبي الشعر تعبيرا عن ذاتك أم عن أي أو كل شي يحيط بك؟؟؟
الشعر اكتبه شي يوصف اللي بداخلي فقط ولا اعرف اكتب بالاشياء المحيطه فيني ابدا
4- أراك متنوعة متجددة بين كتاباتك ما بين الفصيح والشعبي والمنقول ومحاورة جيدة في المساجلة الشعرية فأي منهم تعتقدين انك تجيدينها وايهم الأقرب لنفسك؟؟
بداياتي كانت بالشعر الفصيح والخواطر لكن لما اتجهت للشعبي صار الفصيح اصعب شي علي ولا اعرف السبب
واكيد اقرب شي لنفسي الشعر الشعبي
5- اسمعينا بيتين من الشعر نعرف من خلالها مكنونات ثار التميمية؟؟
مكنونات من اي ناحيه 
يعني اذا شي يدل على شخصيتي فالابيات هذي اقرب شي يرمز لشخصيتي الحقيقيه لان شخصيتي فيها الكثير من التناقضات اللي انا نفسي ماافهمها
تلقى ملاكٍ بي وتلقى شطانه = بي من البشر طبعٍ ومن طبع الاسباع
تلقى طفوله بي وتلقى لعانه = زودٍ على الرقه ترى القلب مرباع
6- ودعيني أسألك عن مؤهلاتك المختلفة ما تكون وما مدى تنوعها ؟؟ وماهية طموحاتك التي تسعين لتحقيقها؟؟؟؟
مؤهلاتي اقدر اقولك طالبه جامعيه فاشله والشعر كل وقتي له حتى بالجامعه الدكتور يشرح وانا ماسكه ورقه وقلم واكتب شعر
اما طموحاتي فهي اشياء كثيره واعرف ان 80% منها بيكون مجرد حلم وامل وماراح يتحقق
بس احب اعيش احلامي
7- من هو مثلك الأعلى في الحياة عامة وفي هذا المنتدى خاصة؟؟؟؟
بصراحه مثل اعلى اقدر اجاوبك واقولك رسول الله صلى الله عليه وسلم وطبعا هو المثل الاعلى لنا كلنا
وهذي الاجابه بشكل عام
لكن بشكل خاص بالنسبه للاشخاص اللي مرو علي بحياتي لحد الحين مالقيت مثل اعلى
ومثل اعلى في المنتدى والله يوجد اشخاص كثير واولهم المشرف العام ابونا كلنا
8- ماذا تعني لك الحياة – الأسرة – الزوج
الحياة : يوم حلو ويوم مر وعايشين
الاسره : وجودها يحميك من كلمة يتيمه
الزوج : الكون كله عندما يجتمع في شخص
9- هناك أشياء غير حقيقية ولكننا نتبعها أحيانا ونصدقها مثلا وليس حصرا بماذا تتفاءلين وما الشي الذي يجعلك تتشاءمين منه؟؟
اتفائل برقم 4/7
واتشائم من يوم الاثنين
وطبعا فيه مجموعة اشخاص بالعائله اذا شفتهم اتفائل وفيه ناس اذا شفتهم اتشائم على طول واعرف ان اليوم ماراح يعدي على خير
10- ماهية الكلمة والنصيحة التي تودين توجيهها لأعضاء المنتدى عامة ولهمسة الم خاصة؟؟
لاعضاء المنتدى اقولهم : ان نتفق على خطأ .. خير من ان نفترق على صواب
ولك ياقلبي كلمتين : احبكي في الله
11- اسمحي لي بالتطفل وطلب رأيك في محدثتك المتطفلة والفضولية نوعا ما ؟؟
رأيي فيك من اول يوم دخلتي المنتدى انك انسانه رائعه ومتحدثه رائعه
ومازال عندك مواهب كثيره لحد الان ماشفناها