[سعيد عوده الحويطي]

اخواني اعضاء منتدى الفطاحله اقدم لكم هذه القصيدة بعنوان ( قالوا مشيب ) ارجو ان تحوز على رضاكم .

قالوا مشيب قلت ماهي غريبه=انه يجيني الشيب من بعد خمسين
والشيب للرجال ماهو معيبه=الى استقام وطبق الشرع والدين
الشيب للرجال قدرا وهيبه= وتلقى له بين الناس قدرا وتقنين
هو النذير اللي يذكر صحيبه=لا بان له بين العوارض عناوين
ان الكبر قادم ولا فيه ريبه=يوما بعد يوما تجي له براهين
ومن طال عمره لازم يبتلي به=شي طبيعي فوق كل القوانين
واللي يعد الشيب عنده مصيبه=ويحاول يخفيه بصبغ وتلاوين
نقول له والله هذي عجيبه=شر الكبر ما ينفعك فيه تحسين
في الكون كله ما لقينا طبيبه=ماله علاج ولو دفعنا الملايين
غير النساء في الكون ماحد يعيبه=اللي يعدنه عدو العدوين
حتى العجوز الطايحه والحطيبه=ما تعترف به ولو تعدت الثمانين