العيـون الحـور لـون الكـحـل مـاخـذ منـهـا
والكـلام احلـى مـن الشـهـد المصـفّـى فـنـي
من ورى اللثمه سهوم الموت في مكمنها
ترتعـش فـوق الـرمـوش الناعـسـه وتغـنـي
قلت ياهل العرف روحي فيه من يضمنها
قـالـو ان الـطـرف لاسلـهـم يـجـيـب الـونــي
سيف لحـظ العيـن مايرحـم بحـرب اعلنهـا
صاب قيـس ابـن الملـوح ليـن منهـا جنـي
قــلــت دلــونــي وقــالــو حـولـكــم مـوطـنـهــا
وان نويت اكرب حزامك واتـرك اهـل الزنـي
وانـت لامنـك عزمـت اختـر ونــقّ احسنـهـا
قـلـت بـيـن حجاجـهـا قــام الـهــوى يعـلـنـي
كـل يـوم اشوفـهـا وانـشـد عــن امحاسنـهـا
مـالـقـيــت اخـبــارهــا والــعــشــق مـتـمـكـنــي
بلغـوهـا شــوق قـلـب الـصـب ليـتـه عـنـهـا
مــال واتـبـع ميـلـتـه لـــو لـلـوغـى وصـلـنـي
غـيـر لاطـــب الـخـفـوق يـضـيـع بمفاتـنـهـا
ليتهـا توحـي بنـبـض القـلـب لــي وتحـنـي
بوح رائع من شاعر رائع
لاهنت ولاهان مغليك
صح لسانك مليون
تحياتي العطره