[ماهربخيت الجهني]

المشاركة الأصلية كتبت بواسطة طلال العازمي

السلام عليكم ورحمة الله وبركاته

يا معذّبني تلفّت للجريح = ليه وش حاجتك من هذا الجفا
تحسب اني بالليالي مستريح = لو غفيت الليل همّي ما غفا
يا سراب اهديتلك قلبٍ صريح = اكرمه بالعطف لا منّه لفا
محتري قربك ولو أنك شحيح = والوفى لك لو خفوقك ما وفا
منتظر جيّتك يا غروٍ مليح = لو ظهر منك الخطا قلبي عفا
كل ما ظنّيت همّي يب يزيح = جتني اجيوش المفارق مشرفا
وكل ما ظنّيت حبّي ما يطيح = طيّحه قسوة ضميرك بالقفا
يا ظنونٍ جنّبت علمٍ صحيح = الله اعلم بالضماير ما خفا
يمكن ان قلبه على وصلي يصيح = ويمكن انه الجو حوله ما صفا
اشهد انه الصح يا طب الجريح = ما حصل في صدّتك هذه كفا
ارتجي من سربتك مايٍ قريح = واتشفّق بعد بردك للدفا
ما بذلت الطيب من شان المديح = الله اعلم كم من طيبي نفا
ما كتبت امن القصيد إلا الفصيح = و ما أقول ابغيبتك إلا افا

الله الله قصيده فى قمة الجزاله والشاعريه
راقت لى كثيرا سجلى اعجابي وودى واحترامى
صح لسانك وعلا شانك ولله درك