[محمد بن عمار]

غرست الطيب

أنا نفسي على ماتهتوي بأمشي وأطاوعها = وعذرك من بعد فرقاي ماظنيت يشفعلك
ياليتك من قبل هجري ، كشوفاتك تتابعها = تشوف أخطاءك بنفسك ولا أحدٍ بيتابعلك
أنا أدري إن السبب هرجة من العذال سامعها = ولا ّنك صرت مخدوع ٍ تظن الكل يسمعلك
غرست الطيب بالوجدان وإخضرّت مرابعها = وكسبت أحباب يوم إني تركتك من ردا فعلك
سقيت النفس مفهوم الكرامة من منابعها = وعذلت القلب والإحساس لو فكرّ بيرجعلك
عزيز ٍ شيمتي تفرض على مبدأ تواضعها = وترى غلطان لوظنيّت كل هذا تواضعلك
شف أصحاب المصالح هالزمن كثرت مطامعها = وإذا تحتاج ربع ريال ، ما والله بيدفعلك

الجريح