[ماجد الزيد]

السلام عليكم ورحمة الله وبركاته

ماهو هلا بالنّبا اللي هدّبي صبري=اشعم بي النار يوم الخافق الجمرة
في ليلة ٍ كن عيني تردم بقبري=العين قبّت لهب ثم ذابن العشرة
اونّ من حرّ كبدي ونارٍ بهبري=نار البعد قازها الزّرنيخ والصبرة
ابوي رجله تقول ان العظم مبري=قام يتواقع لحمها كنّه العبره
رجله على الخير سارت تسبره سبري=علّي فدى تراب رجله وافتدي عمره
كم من يتيمن كسير وجبّره جبري=في ليل يشهق ثلوج وثلجة الزفره
مستخفي النّاس ماهو بالرّدى غبري=عميله الله وغمره عن مِيَة غمره
مثل السّحاب إن عطى المدري مع الوبري=ياما طوى الفورد للمعتاز بالوفره
اليوم فوق السرير ومن دِمي حبري=ياليتني في محلّه صابر ٍ صبره
مثل الجبل ما شكى ولاهوب متعبري=(ا)قْيال حدّه قزم كلّه على كبره
كبير شامخ عزيز ٍ غير متكبري =سمته تواضع ولا به شبر ٍ بشبره
عالم من الطّيب كلّه فيه متخبري=صدره طهر زمزم وضمره مثل ضمره
ارقى من سهيل وارفع والدي الجبري=وانقى من العذب واعذب من نهر سَمره
اسقى من السّيل تبّار الظمأ تبري=وأبقى مع الخوّة أبقى من قصر عمره
وجهه مئاذن هدى يسلم لها العبري=وصوته جبين البحر لا خالط الحُمْرَه
شيبه يرجّع سنيني ويبتعد كبري=ريح المطر مع بيوت الطّين والتمره
عز الله الوقت بين الهمّ والثّبري=الصّبح يرقب يبي شوفه على خبره
يالله تشفيه لين أنّه على خبري=يجهم وعيني تناظر فيه منبهره