السلام عليكم ...
استرسالاً لملامسة المشاعر الموالية للنفس ...
إذا خذت القلم كل القوافي من يدي تخشاه = تقول السمع والطاعة وفيما قلت هذا امضاي
أعسف القاف ، والمعنى بكيفي آمره وأنهاه = أطوّع نايفات القيل وهذا في الشعر مبداي
ووفاء برد الجميل ...
ومن يشري رضاي بدين .! نقد ٍ إشتريت رضاه = فداه اللآش دامه ما تغالا في العمر مشراي
مع هذه المقدمة نعانق نواظركم بهذه المشاركة
.............................. ........(( طري العود ))
هلا ً بالريم يوم أقبل ، يسابق ظله بممشاه = تخثعّ بالخطى خايف ، وهوفي منطقة مرماي
هلا والشوق له حيّاه ، من مسراه إلى ملفاه = كما شوق الزروع اللي هجرها الماء من السقـّاي
عيونه ترمش المعنى ، وقلبي لحظها يقراه = إلى جت عينه بعيني ، تترجم قصدي ومعناي
طري العود رعبوب ٍ جماله والحسن أطغاه = ولحظ الموت بالنظرة متى ما طالعت باغضاي
متى ما ابحرت بعيونه اغوص بعمقها والقاه = بعيد ٍ ، ما يوصـّلني قراره ، هاجسي ومناي
أشوف البسمة ويعجز ، لساني وصفها بشفاه = وتخون الذاكرة فكري وأحمـّل غلطتي دنياي
وترى الأيام حبلى والليالي تنولد أشباه = تصاريف الدهر والوقت حدّ تني على أقصاي
على صفحة جبينه ينعكس نور القمر بضياه = ينوّرلي ، ظلام الفكر..! لحظة يبتدي مسراي
سريت بهاجسي لأجله توغـّلت بمحيط حماه = أروّض مهرة أفكاره تعود لموطني وحماي
أسافر مع خيال الشوق سابح في بحور، رضاه = أجدّف بالغلا مركب هواه ويرسي بمرساي
إذاخذت القلم كل القوافي من يدي تخشاه = تقول السمع والطاعة وفيما قلت هذا امضاي
أعسف القاف ، والمعنى بكيفي آمره وأنهاه = أطوّع نايفات القيل ، وهذا في الشعر مبداي
أنا لفـّيت بحرالقاف من أدناه إلين أقصاه = معاني تحتضر ! مغتالها شخص ٍ سفيه الرآي
وأنا مالي مرام إن كان فكره مبعد ، بمغزاه = ولا لي في الهجاء إلا إن بلاني شاعر ٍ خطاّي
كما عد ٍ قراح ٍ ماورد ماه ، الدلو ، ورشاه = متى مافاض جمّي ، ترتوي شهب القفار بماي
أعرف الرجل بأفعاله ، تدسّم شاربه يمناه = ودرب الذل والنقصان عن مشيه تشوم خطاي
وعرضي ماتدنّس ، يوم كل ٍ هاجسه أغواه = حفظت النفس عن عوج الدروب بفعلي بيمناي
ورثته عن رجال ٍ درّسوني العلم من مبداه = وطابت سيرتي من طيب أبوي وجدي ومجناي
ومن يشري رضاي بدين .! نقد ٍ إشتريت رضاه = فداه اللآش دامه ماتغالا . في العمر مشراي
عزيز ٍ ما أصاحب غير من مثلي عزيز الجاه = يثمّن طاعة الله والردى ! ماهوب ، به مشّاي
مودتي لنقائكم
محمد بن عما ر