[عبدالله الشويمان]

المشاركة الأصلية كتبت بواسطة فارس القوافي

ماعاد لي نفس اكتب الشعر واقراه = وماعاد لي قلب ٍ على الحب قاوي
ملّيت ووجوه البــــــشر كلّها اشباه = هذا شبه هذا ونفــــــس الخطاوي
جرّدت قلبـــــــــي من ذنوب ٍ تبلاّه = ورميت بالـــــذكرى وعايش خلاوي
مســـحت من عقلي خياله وذكراه = قسّـــيت قلبي عن جميع الرجاوي
صحيح بعض احيان له شوق وابغاه = لكنّ ادوس الشوق وقت الشهاوي
شبعـــــت من حبّ الغنادير شرواه = ياكثـــــــــــرهم مرّوا بوقت النزاوي
كثير شــــــــفت وكثر ماشفت أوّاه = أوّاه ياوقت ٍ غدى حيـــــــــل خاوي
راح العمر في طرد وهم ٍ صنـــعناه = وحبّ ٍ كذوب ٍ ياعرب ما يــــــساوي
بتوب لله لو على المـــــوت وانساه = ويالله تغـــــــــفر لي ذنوب وبلاوي

لله درك يا اخ خالد...وصح السانك..

قصيده جزله مبنى ومعنى..ودائما انت كذلك..

دمت بخير وصحه وسلامه..