[ضاامية الود]

المشاركة الأصلية كتبت بواسطة المشرف العام

بعض العرب يحتاج هرجه لكشاف = حتى تعرفه قبل تبدا النقاشي
لو صاحبه حاول يغطيه بغلاف = ويصور انه واضحٍ كالفلاشي
حكيم وقته بالمراجل له اوقاف = يدري وش اللي يعجبك وانت ماشي
وليا لقى من يفهمه حاص باوجاف= ودوّر طريقٍ ياخذه بانتفاشي
كل ما يبي مدحٍ يوصله الاحقاف = لوهو مجامل راضيٍ بالغشاشي
يدخل باسامي واجده كلها اطياف= من شان مدح النفس في كل ناشي
فياظالمٍ نفسه بلا عدل وانصاف = خل الحكم للغير تاخذه كاشي
ومن قال لك كامل ترى حكمه اجحاف= الكامل الله عالم بالحشاشي
ما اعرف اجامل لا ولا اهزّ الارداف = فالحق منهاجي ولا به غباشي
توك حويّر لا سنامٍ ولا اكتاف = فلانتاب مفرودٍ ولانتاب حاشي
والبحر واسع وانت تسبح بمغراف = كودك تعلم ما خفى بالطفاشي
اسمع كلام اللي صريحٍ وشفاف = وخل المطبل دام هرجه بلاشي
والبعض لو هاجمك في كل اسفاف= لا قلت هرجه ناظرك كالنجاشي
ولو هو رجع للحق أو قول الأسلاف= فعينٍ بعين وكل مخطي يداشي
حلفت أنا ما اقعد تحت سقف وكّاف= ولا ادخل يدي في جحر بعض الغواشي

ياسلام يا شاعرنا اخوي المشرف العام

وقفه هنا مع الابداع

واثبات لتواجدى بهذا المتصفح

والشهاده فيك تبقى مجروووووحه

ما مهما قلت وقلت لن اصل الى ما اريد

قوله فقد يخون التعبير ولا اريد ان اخدش

هذه الباذخه بكلمات اقل من حجمها

صح السانك وسلم بنانك

ولاهنتي

تحياتي وتقديري