الــــطـــــائـــــر
انـا بطنـي معاودهـا سهلهـامن اكل العيد جانـي مـا بلانـي
من الكبسات اضرب عن جهلهـاوبطنـي راح مثـل القرقعانـي
الـــشـــويـــمـــان
اجل نفحـات موجعهـا ظهرهـامن الجلسـه ولا تبـرح مكانـي
الــــطـــــائـــــر
على الدختور اركض في عجلهـالقيتـه نايـمٍ فـوق الصوانـي
لقى اكـلٍ بـلاش ولا احتملهـاضرب بالخمس من بعد الأذانـي
الـــشـــويـــمـــان
وانا اشكي مثل ما تشكي ضررهامتنـح عنـد كيبـوردن بلانـي
وكنـي ددسـن بنشـر كفرهـاوهـي مثلـي معذبهـا الزمانـي
الــــطـــــائـــــر
مثل نفحات مـا تـدري عملهـامن الكبسـات راحـت دردبانـي
وجتنـا تشتكـي عيـدٍ جعلهـاتحـس النـوم مقبـل ديدحانـي
الـــشـــويـــمـــان
وعود الجن نفسه مـا كسرهـاعن اكل اللحم من عقب ارمضاني
شفوح العود والمعـده عسرهـاالين انـه تصـووب بالهدانـي
الــــطـــــائـــــر
لقى لحـمٍ بـلاش ولا احتملهـاوصاح البطن ياعـود الهوانـي
ترفق فانت تجنـي فـي عملهـافأكل الدسم يمرض فـي ثوانـي
يبي له عشـرقٍ يرخـي بغلهـابفرمت معدته مـن كـل جانـي
صح لسانكم وعتلى شانكم
ويعطيكم العافيه
وتسلم نفحات وهي جالسه تشجعكم