[عمر ال شيبي]

المشاركة الأصلية كتبت بواسطة عبير الورد

مات الأمل ويا جميع امنياتي =وعزيت قلب ٍزايدات ٍ امانيه
الله يحسن فالأماني عزاتي = ويجبر عزا قلب ٍ له اسنين امنّيه
اعشّمه واقول باكر بـياتي = باكر يجي ياقلب ثم تهتني فيه
ويعوّضك بسنينك المقبلاتي = اصبر لعل الشوق ياقلب يدعيه
طالبك لاتحزن وتشقي حياتي = خلي مصافيني وقلبي مصافيه
متعاهدين وعهدنا للمماتي = يوفي بعهده لي وانا العهد بوفيه
ياما قضينا الليل هل اعبراتي = جرح ٍ يبكينا وجرح ٍ نبكّيه
ومن نوحنا الورقا تنوح وتحاتي = تبكي على حال المحبين ترثيه
الحب بلوى والمفارق شتاتي = ودرب الهوى عسر ٍ ولو كنت ماشيه
واللي مشى بالحب سوى سواتي = تجمع له الدنيا دروس ٍ وتعطيه
نمت وامل عمري هو اكبر مناتي = وصحيت من نومي على القلب ينعيه

الله الله

يا عذب الروح

من طول الغيبات جاب الغنايم
صح لسانك اختي