[عبير الورد]

المشاركة الأصلية كتبت بواسطة الطائر المهاجر

قالوا بعلم النفس لا صرت جوعان= لا نمت تحلم تاكل بصحن مرقوق
وقالوا بعلم الهلس لاصرت كوبان= اهلس تحصل ما تبي دونما عوق
اكتب وكنك عالم سر الاكوان = في كل صحيفه لو من الفكر مفتوق
تختار ما تدري لمنصب له الشان = حرفك خدمك ولاتبي اصل وعروق
ولو قلت كلمة حق لاشك غلطان= محدٍ نشر لك فانت خالفت للذوق
اما عن الأنساب مافيه قولان= كم واحدٍ هايف اصل صار مرموق
وكم من اصيل صار من ضمن كرعان= متحكمٍ به ذيل متعود البوق
وكم دولةٍ طاحت بها عال الاركان= لا من دخلها سوس عدى عن الطوق
من كل صقطٍ تايهٍ بين الاوطان= يكتب ويبصم من يخليه موثوق
واما عن التاريخ فالزيف برهان = يكتب على كيف القوي كاسب السوق
وبعلم القراءه فالقراءه لها الحان= اخفاء مع ادغام في كل منطوق
وفي عالم الإعراب فالجر اثنان= حرفٍ يجر وحرف مجرور من فوق
وناصب ومنصوبٍ على جرف هريان = ياسرع ما يمسط على رعود وبروق
وفي علمي القاصر على خير برهان= خلك عمى ابكم ولو كنت مفلوق
ولا شفت نارٍ من على قرن شيطان= جنب وخلك دوم للشر مسبوق
فالنار تحرق بعضها وين ماكان = والخير باقي دام بالأرض مخلوق

الله الله


صح لسااااانك ملايين


سلمت وسلم منطوقك الجزل


ربي يعطيك العافية