[عبير الورد]

المشاركة الأصلية كتبت بواسطة الطائر المهاجر

لا صرت مع شخص متخلّف فحذراك= تعطيه وجه ان كان تبغى تفيده
عقله صغير يرشده كيف ياطاك = يحسبه عنتر وانت طرطور بيِده
فهمه غلط للطيب منّك وشرواك = متعودٍ للدعس من سيد سيده
وكونه يعرف بمنهجك قبل مبداك= بالطيب والحشمه فهذا يزيده
يصير مثل النار تلسع مقفّاك = وإلاّ كما الثعلب يفكر بصيده
وتدفع ثمن غلطتك في كل ماجاك= حتى تصحح او تعيش بنكيده
ما كل من اعطيت عن حق اعطاك = بعض البشر ياخذ ويعطي مكيده
ومهما فعلت الخير بالخبث لاقاك = ويجحد فعالك ف الليالي الشديده
مثله يبي تذكير لا من تناساك= لذعه على الهامه لدربك تعيده
اما صحى وادرك رموزك وفحواك= ولاّ عطب جرحه وبيّن صديده

الله الله



صح لسااااااااااانك ملايين



سلمت وسلم منطوقك الجزل


ربي يعطيك العافية