[حرف وشعر]

ياعليش لاتبلش مع الذيب ياعليش=منت بكفو تبلش مع الذيب ساعه
لاتبتلي بالذيب ياساكن الخيش=واعرف مكانك ياقليل البضاعه
لعقاب له ريش (ن) والديك له ريش=مير التفاظل فالبتع والشجاعه
وماكل من يبدوا بلبس الدراويش= درويش لو ذاق الفقر والقناعه
ولا كل من يلبس جديد الدشاديش=قرم (ن) ولو حاز النسب والرضاعه
وان كنت جندي(ن) انا قايد الجيش= يكسحك جيشي في مدي ربع ساعه
علي ويش قلي ياجهولي علي ويش= تبني اظنونك بالجهل واللكاعه
جتني اعلومك يازعيم الخفافيش=وماشفت فيها من اعلوم السناعه
ماشفت انا غير اهتراش المحاشيش=ذولاك ربعك يارفيق الجماعه
خذها نصيحه لاتهوش الحناتيش=يرميك بختك في البلاء والشناعه
خلك علي سيف البحر بالمهاميش= وابعد عن امواج البحر وارتفاعه
رز بمكانك لاتطيع المخاريش=واحفظ السانك لايحين انقطاعه
ومن كان ربعه يالدليوي معاطيش= مايرتكي لاصار وقت المجاعه
خذها احروفي والقوافي مغابيش=من شاعر (ن) طوّل مع الشعر باعه
لاسدد اسهوم المعاني مطاريش=علي الهدف مارد دون انصراعه