[عبير الورد]

المشاركة الأصلية كتبت بواسطة جهاد الشعلان

السلام عليكم ورحمة الله وبركاته

هذي قصيده اتمنى ان تحوز على رضاكم واعجابكم
ومناسبتها , ان واحد من الربع قبله يتشكى من قله القروش
فقلت له ( الدراهم ميب كل شي)
فقااال لي:{(طيييييير بس) , لو عندي دراهم كان مايضيق صدري ابد و كل مابغيت شي جبته}
<< وحسيت انها من قلب
وتفضلوا ...

من خلقت الدنيا وهي شبه مرّه=ومحدٍ خِبر دنياه تصفي دوامي
يومٍ نكد واليوم الاخر مسرّه=واللي مشى فيها لزومٍ يظامي
وش عاد لو تملك من الماس صِرّه=كم من غنيٍ عاف لذ المنامي
يسهر يبرّق في نجوم المجرّه=وان نام تعرض له اهمومه حَلامي
وكم واحدٍ غافل وماله يغرّه=مايدري ان المال شبه المدامي
يصحى بيومٍ والمنايا تجرّه=ثمْ يدري ان المال زيف وخمامي
قارون لو كانت كنوزه تسرّه=كان اشتراله عن ثَمَ القاع حامي
لاتدّعي ظلم الزمان وتشرّه=ذا ديدن الدنيا ولاشٍ يدامي
ون كان هرجي مودعٍ فيك حَرّه=ماني من اللي يعشقون الملامي
فتّح وخذلك بالتواريخ فَره=تلقى علومٍ ماتنافي كلامي

جهاد عبدالعزيز الشعلان

الله الله



صح لساااااانك ملايين



سلمت وسلم منطوقك الجزل


ربي يعطيك العافية