اقتباس:
المشاركة الأصلية كتبت بواسطة الطائر المهاجر
حسبي على من صادني صيدة الضب= لا هو اكلني لا ولا اطلق سراحي
مير يتفاخر يحسبه صاد له دب = ونا متخدر بين نعسان صاحي
يقدم لي همبرقر يبي آكله غصب= وانا على اعشاب البراري نصاحي
حطيتني يازين في موقفٍ صعب = اسير عندك نازفاتٍ جراحي
خاف الولي ان كان تعرف من الرب = وبعني على صنداح والاّ فلاحي
يمكن يلاقوا لي علاجٍ به الطب= ويمكن اعالجهم بطعن الرماحي
لاشفتهم بالشات اهلي وارحب = والصدر يستاسع بكثر المزاحي
ويمكن نتلاقط بيننا هجو او سب = لكن من قلوب الطهر والسماحي
ومن شافنا قال الرزح قام واشتب= ولا هوب داري مزحنا والرزاحي
شات الفطاحل من دخل فيه يختب = ان ما مزح جاه المزح باجتياحي
فيه الوناسه ما احد فيه يعتب = ومن لا صلح له ينسحب بارتياحي
وفيه احترام الغير ما احدٍ بيغتب = كلش وضوح بعقل فيه انفتاحي
فصلٍ دراسي يدخله كل من حب = يلقى المشوره وكل علم متاحي
اخوات ويا اخوان من خيرة النخب = وما به خشاش صاب عقله كساحي
حسبي على من صادني صيدة الضب = شات الفطاحل يوم يكسر جناحي
|
صح لسااااانك
يا
ياويل صعبه كيف تاكل وتشرب = والعود منها راح حاله مراحي
سحليةٍ تضحك بحاله وتنصب = وانا نصحته مير ماهوب صاحي
ماله ورى مدعوجة العين مطلب = مادام ماعنده لصعبه سلاحي
يرتاح ابو عثمان قبل يتغلب =عليه علمٍ ماالقيله كفاحي
من قبل لاياكل من البنت مقلب = ضرب العيون النجل مثل الرماحي
وجو العذارى يالمهاجر مقلب = احيان جون زين واحيان ماحي
وان كان ابو عثمان يضحك ويلعب = حفر الخنادق غير حفر المساحي
والعام يوم انته ولد صدق تطرب = واليوم نام وخل عنك الصياحي
لاتحرق اعصابك ولالا تصعب = ماعاد لك حيل ٍ يصيد الوضاحي
اسطب ياعثمان لاتسرع اسطب = لوكان دمك من عنى الحب فاحي
لاعاد لاتقصد لا وعاد تكتب = مالك بعصر اليوم ولا نفتاحي
انته قديم ومن هل العصر الاشهب = وانت اشهب ٍ تاكل ظهور اللقاحي
ذيب عوى لاعاد يعوي ويتعب = رمي الذراع ولا عنى الانبطاحي