اقتباس:
المشاركة الأصلية كتبت بواسطة النيزك
لي الشرف طال عمرك وترى القلوب شواهد وانا اخوك
وعلى سالفة مايحب الرسميات .. طلعنا قبل كم سنه للبر لمدة ثلاثة أيام وكان معنا واحد الله يذكره بالخير يوم تبقشت الامور عرفنا انه اول مره يطلع للبر اكثر من ثلاث ساعات
بس والله ياضحكنا عليه ضحك .. الله لايوريك تشققت خششنا من كثر الضحك على تصرفاته الطريفه..
اول ماوصلنا للبر نزل شنطه كنا نحسبها عدة طبخ ولو ان استغربنا من الشنطه كانت جلد اسود ماركة (مونت بلانك) قلنا وش ذا الشنطه يافلان قال ملابسي وغياراتي ههههههههه سكتنا يوم جاء الليل فتح الشنطه ولبس البجامه الفاخره ولبس شبشب قماش من لون البجامه وجلس معنا وهو ضايق صدره قلت له وشفيك قال انا نسيت المعجون وفرشة اسناني قلت وبس .. قال لا بعد انا ودي بسرير بصراحه أنا خايف وشكلي ماني قادر انام على الارض قلت يجي علم خخخخخخخخخ حبيت اطمنه قلت كلنا حولك ولا تخاف واذا انت ملزم نم بأحد السيارات وفعلا نام باحد السيارات يوم جاء الصباح غير ملابسه وابلشنا يقول انا ودي اروح لأهلي على كلامه انه مانام طول الليل من الخوف وكان حصران ولا يقدر ينزل من السياراه خخخخخخخخخ قلت ياجماعه هذا صحيح انه تحفه ومونسنا وماياكل الا بملعقه لكن عاد يبي يبلشنا وش رايكم نقلعه لأهله ونفتك منه قالو رايك وهداية الله وسفرناه مع حدا العيال ذهاب بلا اياب ههههههههههه.
ابد مالك هم انا اعرف اسوي كل شيء ان بغيت بيض مسلوق .. وان بغيت نواشف انت امر تدلل بس
واهم شي نتعاهد نحلق روسنا صفر على شان مانتلاقط بالشوش ههههههههه
حقيقه استمتعنا باللقاء معك ياخالد بيض الله وجهك
ونشكر لك سعة صدرك
لاهنت ياغالي
تحياتي
|
ههههههههههههههه
اضحك الله سنك ..ورفيقك هذا ذكرني بواحدن خاوانا مبطي قبل الجوال
كنا رايحين لشعيب الحيسيه ممدانا نوصل قال ابطمن امي ..ياولد خلها بكره ..لا دحينا
وديته للعيينه عند كبينه ويسولف مع اميمته الله يخليها له ...يا أمي واللهي قتلنا عقرب واحنا بنصلي بالصحرا ....هههههههههه متعود على فراشات ونحل مع شوي نمل
وصلنا الاربعا ويالله نام في السياره وظهر الخميس يقول بدي امشي .....
... اخاف خوينا هو خويكم
وياهلا بك ياسليمان منور بطلتك