[سناعيس]

والاكيد بان الرحله المكشاتيه ستكون ممتعه وسيتخللها ساعة صدر مع شوي ذبات
طالما الخوي فيها (النيزك ) رجل عرفناه هناااا في الفطاحله ولسنوات من خيرة الاعضاء خلقآ ووفاءً
والحقيقه اشعر بان هذا الرجل طيب المعشر ومايحب الرسميات

لي الشرف طال عمرك وترى القلوب شواهد وانا اخوك
وعلى سالفة مايحب الرسميات .. طلعنا قبل كم سنه للبر لمدة ثلاثة أيام وكان معنا واحد الله يذكره بالخير يوم تبقشت الامور عرفنا انه اول مره يطلع للبر اكثر من ثلاث ساعات
بس والله ياضحكنا عليه ضحك .. الله لايوريك تشققت خششنا من كثر الضحك على تصرفاته الطريفه..
اول ماوصلنا للبر نزل شنطه كنا نحسبها عدة طبخ ولو ان استغربنا من الشنطه كانت جلد اسود ماركة (مونت بلانك) قلنا وش ذا الشنطه يافلان قال ملابسي وغياراتي ههههههههه سكتنا يوم جاء الليل فتح الشنطه ولبس البجامه الفاخره ولبس شبشب قماش من لون البجامه وجلس معنا وهو ضايق صدره قلت له وشفيك قال انا نسيت المعجون وفرشة اسناني قلت وبس .. قال لا بعد انا ودي بسرير بصراحه أنا خايف وشكلي ماني قادر انام على الارض قلت يجي علم خخخخخخخخخ حبيت اطمنه قلت كلنا حولك ولا تخاف واذا انت ملزم نم بأحد السيارات وفعلا نام باحد السيارات يوم جاء الصباح غير ملابسه وابلشنا يقول انا ودي اروح لأهلي على كلامه انه مانام طول الليل من الخوف وكان حصران ولا يقدر ينزل من السياراه خخخخخخخخخ قلت ياجماعه هذا صحيح انه تحفه ومونسنا وماياكل الا بملعقه لكن عاد يبي يبلشنا وش رايكم نقلعه لأهله ونفتك منه قالو رايك وهداية الله وسفرناه مع حدا العيال ذهاب بلا اياب ههههههههههه.

واذا من مشكله بتصير في الكشته اتوقع
اذا قال سليمان ماعرف اطبخ ... هيا عاد ابلش .. بنجوع ويمكن نتلاقط هههههههه

ابد مالك هم انا اعرف اسوي كل شيء ان بغيت بيض مسلوق .. وان بغيت نواشف انت امر تدلل بس
واهم شي نتعاهد نحلق روسنا صفر على شان مانتلاقط بالشوش ههههههههه
حقيقه استمتعنا باللقاء معك ياخالد بيض الله وجهك
ونشكر لك سعة صدرك
لاهنت ياغالي

تحياتي