اقتباس:
المشاركة الأصلية كتبت بواسطة المشرف العام
الشهر اقبل علينا السمع والطاعه = للي خلقنا فرض صومه وتبجيله
واجب علينا نحاسب نفس خدّاعه = ونكفّر الذنب في ذكره وتهليله
ياناسي الموت يامن يطلب اطماعه = هل تضمن انك تعيش لباقي الليله
هذا هو الموت يطوي حولنا شراعه = احباب واصحاب كلٍ لزم يمشي له
ياكود نذكر ونفهم بعض اطباعه = يحصد بلا انذار ما ندري محاصيله
فرصتك ياصاحبي تبدا من الساعه = وتحاسب النفس لا تخدعك بالحيله
ترجع لربك وهذا الدين واتباعه = وتطهرالقلب من رجسه وتكبيله
فالشهر فرصه يا ناوي الخير زرّاعه = تجني السعادة بقرآنٍ وترتيله
تنسى المعاصي ودرب ابليس واشياعه=تسمو بنفسك عن الزلات والميله
وان كنت حساس نفسك دوم جزّاعه= للشر فاركد .. ترى لابليس تطبيله
البعض يخسر سبب نفسه وتسراعه = ويقول وش بي ولا يدري بتأويله
حسن مع الصوم خلقك تكسب اوضاعه = والصدق دربك بلا قالٍ ولا قيله
تعيش مرتاح قلبك ما شكى اوجاعه= تعطي قرار سليمٍ في مداخيله
وياي ويّاك قول الزور بانواعه = ولا تظلم الناس في غيبه وتغفيله
كل الاوادم ولو كل له قناعه = العقل يفرق بتفكيره وتحليله
والموت كم من واحدٍ ياصاحبي لاعه= تحت الثرى عالمٍ جيلٍ بعد جيله
وما يبقى إلا إله الكون صنّاعه= وذكر حسن تتركه تجني محاصيله
|
ماشاءالله تبارك الرحمن
أسئل الله العلي القدير إن ينفع بها ويجعلها في ميزان حسناتك
صح الله اللسانك
تقبل تحياتي وأحترامي
أخوك/راشد فاروع