السلام عليكم ورحمه الله وبركاته
اتمنى ان تحوز على رضاكم وتنال على اعجابكم
ياصـاحـبـي لاتـنــوي الهـجـرانـي=وآنــا عـلـى فـرقـاك مـالـي نـيّــه
آنـا جـهـاد العـاشـق الشعـلانـي=الـلـي فـــداك بـحـالـه المـطـويّـه
اللي على عسـر المراقـب بانـي=صــرح الـهـوى والـحــب يـاراعـيّـه
قصـة غــرام وعشتـهـا هيمـانـي=مـاهـي خـيـالٍ.. قـصــةٍ صـدقـيّـه
لو سمْعهـا قيـسٍ غـدى ندمانـي=عـلـى سنـيـنٍ عـاشـهـا قـهـريّـه
واصـبـح يغـنـي دان يـــالآ دانـــي=عــن حبـنـا الـلـي ماعرفـنـا زيّــه
في كوكب العشاق لي بستاني=ارضــه خـضــار وريـحـتـه عـطـريّـه
بـيــره قـــراح وحـولــه الافـنـانـي=شمـسـه بــراد وغيمـتـه ثلـجـيّـه
فيـه الكنـاري تـطـرب الاغصـانـي=حـتــى تـقــدم رقـصــةٍ شـرقـيّـه
وان جاد قافي بوصـف السكانـي=بـرفـق لـكـم لــه صـــورةٍ فـوريّــه
اسـود ثليـل وكـاسـي الامتـانـي=والرمـش ريـشٍ راهــيٍ لــه فـيّـه
والعـيـن عـيــن مـذيّــرٍ بلـشـانـي=ظـبــيٍ صـغـيـر ونـظـرتـه عـفـويّـه
والـخــد بـــدرٍ يـجـهـر الاعـيـانــي=وضّـــح بـيـاضــه شــفّــةٍ ورديّــــه
تحـجـب وراهــا لـولـؤ ومـرجـانـي=مـن غبّـة (ا)بحـور العـرب مجنيّـه
امـا النـحـر تحـتـه مــن الرمـانـي=نــوعٍ فـريــد ولمـسـتـه سـحـريّـه
وان شفت خصره قلت يارحماني=ارحــم جـويـعٍ قسمـتـه منسـيّـه
حــان الـوقـوف وملـتـي تنهـانـي=عــن زود وصــفٍ مـاطـرى داعـيّـه
هذي وصوف اللي سكن بجناني=و(ا)خلاصـة الـصـوره بـهـا حـوريّـه
عـهـدٍ عـلـي لوطـالـت الازمـانـي=منسـاه و(ا)كبـود الـعـذل مكـويّـه
جهاد عبدالعزيز الشعلان