اقتباس:
المشاركة الأصلية كتبت بواسطة ابو أنس
في مداخلتي على قصيدة أخي الشاعر عمر ال شيبي (يابو أنس....) قال اتمنى ان اجد ردك هنا
وهنا اجد لي عذرا لوضع ردي أومجاراتي وان كنت اعلم سلفا ان الصورة لاترقى للأصل
الا انها فرصة اقتنصها
وللجميع تحيتي
الفاضل عمر آل شيبي...............
اشكر لك حسن ظنك وطيب تواصلك وجمال وسائط مراسلتك
اما قولي لك صاحب القوافي الصعبه...
فذلك لما أجده في نصوصك من سبك جميل وصناعة مقصوده تزيده فخامة وهيبه
وانا عندما أقرؤه لاأكتفي بقراءة واحده كما الحال مع بعض النصوص
بل أحتاج الى تكراره مرة وأخرى وثالثة وربما رابعه لأستطيع الإلمام بما يحويه النص
وقد حاولت جاهدا مجاراة نصك وجا ما استطعته
آمل قبوله بعلله وخلله واعلم انه نص كيبوري لم يحظى بالتنقيح والمراجعه المطلوبه
مع شكري وتقديري لشخصك الكريم
يامرحبا ترحيبت ن ريحها الهيل=فوح ن تنبَّه خاوي الراس منها
كيف ن يحبونه زحول الرجاجيل=وَسْمَة كرم ما ينشد اللاش عنها
الى فقع بالخشم ريح المعاميل=غنّت نغاميش المراجل فننها
لك ياعمر أزكى سلام ن وتبجيل=من خاطري يمّك ثقيل ن وِزَنْْها
ياراعي القاف المدوزن بتجميل=مهره ومثلك قاضبن في رسنها
حيث الشعر يا خوك فكره وتدليل=رسالة للناس تامر.. وتنها
والى صدر من طيّب الفكر والقيل=تنا قلوه الناس سرّ وعلنها
ماهوب مثل مهايط ن للمهابيل=تقذف من خمام الحكي ما سكنها
او كاللذي قد أوجع الطار تطبيل=يطق طاره والمشاعر شحنها
اومن يحب الفخفخه والتهاويل=نفسه بمقبرة الكبر قد دفنها
وختامها اكرر الشكر بالحيل=لك ياعمر والطيب نفسك وطنها
|
[/quote]
انت الاصل وحنا الصوره طال عمرك
وصح لسانك يا جزيل القاف والمعنى
ما قصرت يالغالي
وبيض الله وحهك ولك الرد بعد الشكر لكرمك ولطفك وتواضعك
نور القناديل
سميت بالله والجمايل تراحيل = صوب القدير اللي يجاوب لحَنْها
من عنبر وريحان ذوق المِجاديل= يمك سعد موكاد قلبن ظمنها
حكمه على الملسان تحفظ منازيل = يا صاحب الأشعار طيبن جِننها
فكرك مخيلك والمرابط مغازيل= نظرة عيوني من مشارف خَبِنها
ما هي من اللي ينقلون الاقاويل= يوم الجمل لاطاح سنّوا مِسنها
فعل الغوازيْ بليل وبش الرجاجيل= حرق البيوت اللي تحامي بطنها
يا صاحب الفنجال شب المسا عيل= فكرن يحوس البال ينشد مِظنها
شعرن بنيته بقاف صعب التناقيل = مثل اللبن مخضوض داخل سِعنها
في جونتي خليت ذروه الغرابيل= عقدهْ وْشواب اكْثير طنّت عفنها
مرسالها للريح خلوه المواصيل = تسعد عشيب البر يومن سكنها
يا بو انس كفيت وافي المحاميل = مثلك صديق الصدق يحكم نِشنها
وختامها العنوان نور القناديل = من عقب ظم الليل للي فِطنها