بسم الله الرحمن الرحيم
قصيدة متواضعة لقلوبكم العطرة ، في وصف الحب المزيف الذي طغى على زماننا هذا ..
يا شجر دامي بظلك مفترش عشـب الربيـع=خل شمس الحب تحرق مـن فلقهـا للشفـق
واترك اللي في حلومي ما كبر تـوه رضيـع=غارق ٍ طيفه بعقلي ولا مـن الخاطـر نفـق
خلني والشمس حارت كيف توصـل للمنيـع=ظل والنسمه هبوب وقلب سالـي مـا خفـق
اعتبرني يا زماني في الهوى أصبحـت أبيـع=يوم خلي في المحبة باع حبـي ومـا رفـق
عقب ما الحب يا زماني أصبح ف عهدك مريع=طاح م الهامات راضـخ يـوم ويـاك اتفـق
انتهى الحب يا زماني ولا تقول باكـر شفيـع=وهالشجر دامي في ظله ما خصف قلبي طفق
آه لو يدري بحالي حاكم أو شخـص ٍ رفيـع=كان سير لي جيوش وشق فـي دربـه نفـق
خلني في يومي أضحك والفرح فينـي يشيـع=والحزن ساعة وفاته إن وسط عرقـي دفـق
خلني في نومي أحلم واحتضن شوق الربيـع=دام شمس الحب نامت واغمضت جفن الشفق
وسلامتكم ؛؛