شهر الصيام اقبل ولا زلت صايـم
عن حب غيرك من سنينٍ طويلـه
مدري متى الافطار فالجـو غايـم
سحابتـه سـوداء علينـا ظليلـه
لا ريـح فرقهـا ولابـه نسايـم
ولا برق يوحي باقتراب المخيلـه
والارض عطشى والشجر مات قايم
وحتى عروق القلب يبسن محيلـه
ونا انتظر في بردهـا والسمايـم
مثل الذي ضيّـع بصحـرا خليلـه
ضاعت سنين العمر حزن وغمايم
وانتي مع الايام شمسـك بخيلـه
يا صايمه عني ترى الصوم دايـم
ماهوب جايز في الشرع بالدليلـه
ان كان مخطي فاكشفـي للتهايـم
وان كان لك حـقٍ عليّـه اشيلـه
وان كان حكي واصلك من صتايـم
هرج القفى خليّه لا تسمعـي لـه
ماهوب حق اظلـم بفعـل النمايـم
ولا هوب حق الحب يحرق فتيلـه
متى يجي عيدي ترى القلب هايـم
وافرح بشوفك لـو لمـده قليلـه


سلمت يابو عبدالله

والشمس مثل مايقولون ماتنتغطى بمنخل


لاعدماك ولا من براعة هالدرر

لاتحرمنا جديدك اخوي