نور خدك بين ربات الخدور =كالبدر في الكون باهي كوكبه
وين مادار الحلا حسنك يدور= وكل من جاكر جمالك يغلبه
يافتاتي فيك من لون الزهور=ومن شذي ورد الفيافي اطيبه
كيف انا بوصف جمالك بالسطور= يوم عيا كل حرف (ن) يكتبه
انتي من نبع الحلا حسنك يفور= وانتي حسنك والملاحه موهبه
لك كتبت الشعر بحساس وشعور=والشعر بين الفطاحل مرتبه
رفرفت نفسي تفاريح وسرور= واستجمت بعد ماهي متعبه
سجليني في دواويين الحضور= وادرجيني في اجندات الهبه
اشبكيني في ودادك يابدور= واسحبي لي من وصالك كهربه
وانتليني من مغاليق الصدرور= عفت انا وقت العنا والمسغبه