بسم الله الرحمن الرحيم
السلام عليكم ورحمة الله وبركاته
أسعد الله جميع أوقاتكم بكل خيــر
أقدم لكم قصيده من ديــوان الشاعر الكبير / سلطان الهاجري
وهو شاعر كبير ومعروف وله وجوده في ميدان المحاورة وفي شعر النظم ايضا
شاعر مبدع في جميع مجالات وأغراض الشعر .. باختصار شاعرنا سلطان لا يحتاج الى مقدمات .. وقد اخترت هذي القصيده من ديوانه ,,,, وأتمنى أن تنال على أعجابكم
الليالي مشـاكلها عراض طوالــي
للنفوس الشقيه والنفوس السعيده
غاره من يمين وغاره من شمالي
توهمك بالهــدوء وعاصفتها شديــده
ياوجودي علي الراحه وياوجد حالي
ليــت مالي مع الشــعار ولانشيــده
هب ياهالزمان اللي غزاني لحـالي
كل يوم علي الهاتف يجيني قصيـده
ذي معاتب حبيب وذي مشاريه غالي
وذي تخفض من السكر وهاذي تزيده
والعرب علمهم بي يوم صدري شمالي
والليـــالي مقفـت به لايمكن تعيــده
روحـــت مـع مــهب الريــح ياهــملالي
ماحــد جــت له الدنيا علي مايريــده
والتــجارب عطــتنا ميــزه الاحتــمالي
ودرســتنا مشــاوير الحــياه الـبعيده
ان مــابه حـياه الا وراهــأ زوالــي
والــبنادم بهــالدنيا شـبوحه بــعيـده
مير ماهيب لامكسب ولاراس مالي
كود من حط قوله والنعم في رصيده
وطاب عند البعيد وطاب عند الموالي
وله نصيب الاسد من الخصال الحميده
وان تثنت عــزوم مشوربين العيالي
عزمه اقوي من ظروف الحياه العنيده
يرتكــي بالمناكب للحمـول الثقالي
والطفر في راسه المطنوخ والا وريده
خل فعل الجدود وخل فعل الخوالي
ندري انك ولدهم والعلاقه وطيده
وندري ان فعلهم يستر بنات الحلالي
حتي لو جــدك اكحيلان وانته حفيده
اما حث القدم واطلع علي راس عالي
والا خلك كذا وان مت ما انت بفقيده
وسلامتكم .. وصح السان شاعرها .. تحياتي للجميع
..