[نجم الإبداع]

راق نظم القاف والقمراء شعاع انوارها ضوى لي=قمت اناظر للحروف الي القمر بالضوء لي ظللها
اظبط الطاروق والميزان من راسي ولي موالي=كل شاعر لو يفعلل يتعب الميزان ما حللها
من بحورن شاسعه فيها مشقه كايده واهوالي=يتعب البحار والقارب مجاديفه مع الموجه ويتجللها
مايطب الا الفوارس في البحور الهوج والمنزالي=والذي مافيه حيل يضيع وسيوفه هوى سللها
ماخبر ان الشعر له قيد الحصان ولاعليه اطوالي=الشعِر فسحه ولاجات الصعاب بميزته ذللها
كم قصيده قومت حرب البسوس وكم يطيب الحالي=للقوافي سحر مايشعر به الا خافقن عللها
ياحروف الشعر سوقيني قصايد واكتبي الامالي=واكتبيني فوق صدر الوقت غيمه وبلها بللها
واكتبيني حزن والا حب والا وقت حامض حالي=واكتبيني بحر غامض من بحور الشعر وان دللها