[الشريف الشرّقي]

ولأن المعين قد نضب فلابد من العودة إلى الوراء قليلا من باب التواصل !

قال صاحبي (فوهة) طيب الله أنفاسه :

الله من قلبٍ هواجيسه أمواج = موجٍ يقفّي به وموجٍ يردّه
موجٍ يحوّل به على ساحل العاج = وموجٍ يحول به على غرب جدّه
وقفت أنا من بين الأمواج بـ إحراج = وأصبحت أنا ما بين بَنْيِه وهدّه
بـ أشكي على هدّاج من ساس هدّاج = فعل الشّرف لـ أبوه وخاله وجدّه
شرقي صعيب الراي مارد ومِخْرَاج = له موقفٍ بـ الطيّب عدّه و عدّه
والله ما قلته على غير منهاج = لا شكّ فعل الطيّب كلٍّ يعدّه
متى تقول اليوم جتكم بـ الإفراج = تجهّزوا يا مشترين الأشدّه
كلٍّ معه جوّال ويعدّ الأبراج = ويبشّر اللي يرتجيه ويودّه

فقال الشرقي :

يا مرحبا باللي هواجيسه أمواج = موجٍ يقفي به وموجٍ يرده
أنت العزيز اللي له النفس تحتاج =لا صك ولد اللاش بابه وسده
(فوهة) يدش اليا بغى النذل مخراج =طير السعد اليا بغيته فـ هده
اصل وفصل ماهوب من طرش(سوهاج) =برقا وروق متعبين الأشدة
يشكي علي الترف والحب لعاج =شكواك وَصّلت .. واستلم هاك رده !
خلك مع ربٍ له الناس حجاج =ربٍ يفرج كل ضيقة وشدة
ثمٍ تعال وعد لك خمسة أبرج = في (شارع الظهران) و(سعود) عَده
تلقا بويتٍ ماعلى سوره اسياج =راعيه راسٍ ما يعرف المخدة
ونركب أنا وياك في زاهي الصاج =بنزٍ جديدٍ مالعب فيه عِده
وناخذ (محب الفال) حكمة ومنهاج=و(رواااد) من بد الرجاجيل بده
ونخطف وليفٍ كنه الشمس وهاج = لا همنا لابوه لا جد جده
همن على (البانوش) لي ساحل العاج = الديرة اللي وصفها غرب جده
ونشري لكم بيتٍ مَعَ فرش وسراج=ولا بلاش سراج.. يكفيك خده ‍‍‍‍‍‍‍‍‍‍‍!!
وندز لك في الشهر خمسة عشر (باج) = وترتاح من طول العنا والمكدة