يا نــوم ماودي بــذكرك وطـاريك
سببت لــي يـا نـوم مليـــون عله
***
ليش التعب يانوم في حق غاليك
باحلامـك اللـي باخـــرك مستهله
***
البـارحه حلمـي عـن الفاتنه ذيـك
اللي غـدت شمس المعنــا وظله
***
يا قلب لاتبحث عـن اللـي يعنيـك
خابرك ماترضى التعب والمـذلـه
***
اللي تمنيته مـع الــوقت ناسيك
ساكن بعيييييييد ومنزله ماتدله
***
ياقلب لاتجعل عنا الوهم يطويـك
بعد طـــواه الليل في حضن خله