سلام الله على اللي كاتبٍ لي ينوي المخراج=يحسب ان الأمر هيّن مثل سهـره وتعليلـه
على رفع القصر عهده بجهده لو لقى احراج=واشوف ان الحمل اثقله مايقوى على شيله
هلا باللي يناديني ليا قفيت بالمعراج =يبي قربي وابي قربه والى من رحت عزيله
طويل الباع دكتورٍ يصك الباب بالمزلاج=ولا عمره سمعني يوم اصيّح له واناديله
نويت البر والديره تخليها بليـا سـراج=تبي البعران والخيمه وذيب البر تشكي له
تعبت من الزحام ولو تعود للخلا بـادراج=وتعبت من الدجاج ونومةٍ من بعد تفويله
انا لاضاق صدري ياصديقي شفتلي منهاج=اسج الرجل في جوٍ خليٍ سايلٍ سيله
وغيري ضايقٍ صدره ودايم للبلد محتاج=ولا يقدر يفارق زحمة العربان ياحليله
تبي حريتك في البر في الرعيان لك مهراج=بقصيدك تسحر الغزلان يلفنك علـى ليلـه
بلا هيئة ولا تعقيد سواليفٍ تجـر غنـاج=الين ان الفجر يطلع وكـل يمتطـي خيلـه
انا كيفي على كيفي ومن كيفي بفل حجاج=اوسع خاطرٍ ضايق وغيره مامعي حيله
مادام الشيب توه ماقعد يرسلي الافواج =ابي افرح وابي اطرب قبل تاصل مراسيله
تحسب الوضع مثل اول ربيع وتايه الحجـاج=ترى العربان صاروا حضر وكل فاهـم جيلـه
اخاف تصيد لك ثعلب تحسبه من رمش بحجاج=وتصفق كف فـي كـف اذا بانـت مداخيلـه
عريب الاصل اصله حافظه في مسلكه منعاج=تغير حال بعض الناس لكن ماختلف ميله
بلاك من الذي جالس وجنبه نجمتين وتاج=يجمعهن يفرقهن قبل ما يرفع الشيـــــله
يورى لك مدام انك حول في طرقتك دجّاج=وتغار من الذي يجمع ويوتر ماقضى حيله
ترفق لا تطيح بغبـةٍ تغرقـك بالأمـواج=ولا تلقى لك انقاذٍ من اللي يذبحك غيلـه
عسى ماشر توك جاي نص الليل معك علاج==عقب ماشاب قافك جيت تال الليل بتشيله
انا دربي على وضح النقا ماشي ولا يحتاج=مابي غيري يوريني اعرف الطيب وامشيله
انا قاعد افكر في صحيب خاطره سجـاج=شباب زاهي بعمره ولادري ويش تعليلـه
يحسب انه مثل يوسف جماله ضافي وهاج=ونا خبري بشكله كالحطيئة فـي تراتيلـه
خيال الشاعر الواسع تكاشف بارقه وهاج=سرى ليله على حيله ويحكي لك وتحكيله
عداك النقص ياطيرٍ على وكر الخنا ماداج= تعلى بالمعالي فوق مانلحق مواصيله
ترى المشغول ما يشغل ونا ابني للوكر ادراج=ولاني داري الساعـه ولا بـرق ومخاييلـه
اشوفك كنك المبحر يخاف البحر يومه هـاج=ترى الامواج مد وجزر وخبري فيك حلحيله
عسى ربي يقوي من بنا وكره وحط سياج=بنى لبنه ورى لبنه من افكاره وتحليله
وانا دايم على كيفه متى ماحتاجني هداج=ولا فكرت في شين يهم الخبل تحصيله