الطائر المهاجر
سلام الله على اللي كاتبٍ لي ينوي المخراج=يحسب ان الأمر هيّن مثل سهـره وتعليلـه
على رفع القصر عهده بجهده لو لقى احراج=واشوف ان الحمل اثقله مايقوى على شيله

جزل القصيد
هلا باللي يناديني ليا قفيت بالمعراج =يبي قربي وابي قربه والى من رحت عزيله
طويل الباع دكتورٍ يصك الباب بالمزلاج=ولا عمره سمعني يوم اصيّح له واناديله
ا
لطائر المهاجر
نويت البر والديره تخليها بليـا سـراج=تبي البعران والخيمه وذيب البر تشكي له
تعبت من الزحام ولو تعود للخلا بـادراج=وتعبت من الدجاج ونومةٍ من بعد تفويله
جزل القصيد
انا لاضاق صدري ياصديقي شفتلي منهاج=اسج الرجل في جوٍ خليٍ سايلٍ سيله
وغيري ضايقٍ صدره ودايم للبلد محتاج=ولا يقدر يفارق زحمة العربان ياحليله

الطائر المهاجر
تبي حريتك في البر في الرعيان لك مهراج=بقصيدك تسحر الغزلان يلفنك علـى ليلـه
بلا هيئة ولا تعقيد سواليفٍ تجـر غنـاج=الين ان الفجر يطلع وكـل يمتطـي خيلـه

جزل القصيد
انا كيفي على كيفي ومن كيفي بفل حجاج=اوسع خاطرٍ ضايق وغيره مامعي حيله
مادام الشيب توه ماقعد يرسلي الافواج =ابي افرح وابي اطرب قبل تاصل مراسيله

الطائر المهاجر
تحسب الوضع مثل اول ربيع وتايه الحجـاج=ترى العربان صاروا حضر وكل فاهـم جيلـه
اخاف تصيد لك ثعلب تحسبه من رمش بحجاج=وتصفق كف فـي كـف اذا بانـت مداخيلـه

جزل القصيد
عريب الاصل اصله حافظه في مسلكه منعاج==تغير حال بعض الناس لكن ماختلف ميله
بلاك من الذي جالس وجنبه نجمتين وتاج== يجمعهن يفرقهن قبل ما يرفع الشيـــــله

الطائر المهاجر
يورى لك مدام انك حول في طرقتك دجّاج=وتغار من الذي يجمع ويوتر ماقضى حيله
ترفق لا تطيح بغبـةٍ تغرقـك بالأمـواج=ولا تلقى لك انقاذٍ من اللي يذبحك غيلـه

جزل القصيد
عسى ماشر توك جاي نص الليل معك علاج==عقب ماشاب قافك جيت تال الليل بتشيله
انا دربي على وضح النقا ماشي ولا يحتاج=مابي غيري يوريني اعرف الطيب وامشيله

الطائر المهاجر
انا قاعد افكر في صحيب خاطره سجـاج=شباب زاهي بعمره ولادري ويش تعليلـه
يحسب انه مثل يوسف جماله ضافي وهاج=ونا خبري بشكله كالحطيئة فـي تراتيلـه

جزل القصيد
خيال الشاعر الواسع تكاشف بارقه وهاج=سرى ليله على حيله ويحكي لك وتحكيله
عداك النقص ياطيرٍ على وكر الخنا ماداج= تعلى بالمعالي فوق مانلحق مواصيله