السلام عليكم ورحمة الله وبركاته
وتستمر المحاورات الجميلة بين:
الشاب: جلال الصبيح
والشاعر القدير: عمر ال شيبي
عمر=
يا مرحبا باللي لفانا من بعد ذاك الغياب = الشوق عنوان المحبه والعيون ارقابها
عيني وقلبي والمساطر له كتاب الحن جاب = ابن الصبيح اللي يحي اشنابها بشنابها
جلال=
يبقيك ربي يا رفيع الشان يا عز الصحاب = والنفس مشتاقه لهرجك والعيون ارقابها
لا هنت يالشيبي ولا هان اللسان المستطاب = راعي اللجا يوم الليالي كشرت أنيابها
عمر=
حيه وهلابه بالفعل مو قولة ٍ ابها اكتساب = وينك نديم القاف عونك من زمان اخبابها
هات العلوم اللي بقلبك سرها بالقلب طاب = اللي يصيبك صابنا واللي عليك اسبابها
جلال=
الحج واجب للذي يرجي النجا يوم الحساب = والحمد لله حاشرٍ خلقه بيوم حسابها
ما ينفع الإنسان في قبره تذاكير الصحاب = إلا العمل يا صاحبي منجاة من يظفر بها
عمر=
هذا الصحيح اليا بغينا المغفره والله صاب = قولك صويب وحالت المشرود من عنوابها
بالك حزين وخاطرك يا قلبنا ما هو براب = وش حالتك بيام هند وسندها واحبابها
جلال=
البال مرتاحٍ وانا سكرت قلبي و كل باب = ما نيب فاضي للهوى يا صاحبي والعابها
اللي مشى في دربنا نمشي معه بين الضباب = واللي عكف عن دربنا الله معه في غابها
عمر=
نبضك حياتك كفها يا ناسيين العشق ناب = اليوم في وسط الحضر نعني بها بروابها
الله على ايام الصبا يوم الفرى كف الصواب = يومن نتاجر بالحلا وندوج روج اذوابها
جلال=
شب الحريقة يا عمر وانشد جلالٍ بالجواب = نار المحبة يا ولد عمي تبي شبابها
اللي رهن قلبه لبنتٍ ما تعرف الا العتاب = مجنون عقله تايهٍ في سهلها واخضابها
عمر=
روّق لِ حالك يالغلا ما هزها بعد وغياب = الشوق يقتل صاحبه واسم ادلال اشبابها
فاتن ونافذ حبها والريم تطرد بالسراب = وشلون ماتعتب على روح العنايا ارحابها